Migahin og Php34,519,770 ang provincial government sa Surigao del Sur, isip financial assistance alang sa mga residente nga naguba ang panimalay tungod sa milabay nga Bagyong Basyang.
Human ni-landfall ang bagyo niadtong Pebrero 5, 2026, nagpasa gilayon ang Sangguniang Panlalawigan og resolusyon nga nagdeklara sa tibuok probinsya sa State of Calamity.
Base sa assessment sa Provincial Disaster Risk Reduction and Management Office (PDRRMO), 6,505 ka pamilya ang naapektuhan sa kalamidad.
Pinakadaghan ang natala sa: Lanuza – 4,088 ka residente; Cortes – 1,251; Tandag City – 517; Cagwait – 316; Tago – 187.
Naa usab sa rekord ang mga nadaut nga panimalay sa ubang lungsod diin ang lungsod sa Barobo (3), Hinatuan (1), Carmen (38), Cantilan (52), Carrascal (13), Marihatag (2), Bayabas (6), San Miguel (11), ug Madrid (20).
Ang unang release sa ayuda gihimo niadtong Pebrero 25, diin 302 ka pamilya nakadawat og Php1,713,420, nga naglakip sa: Carrascal – PHP117,990; Carmen – PHP194,490; Cantilan – PHP366,760; Barobo – PHP15,390; Marihatag – PHP10,260; Tago – PHP1,041,390; Bayabas – PHP56,430.
Ang ikaduhang hugna sa ayuda gihimo niadtong Pebrero 26, diin 6,203 ka pamilya nakadawat og kinatibuk-ang PHP32,806,350, nga gi-apod-apod sa; Lanuza – PHP21,310,020; Madrid – PHP107,730; Cortes – PHP6,622,830; Cagwait – PHP1,708,290; Tandag City – PHP2,965,140; San Miguel – PHP92,340.
Gibutyag usab ni Governor Johnny T. Pimentel nga padayon ang suporta sa provincial government, kauban ang mga nagkadaiyang ahensiya sa gobyerno, aron matabangan ang mga residente nga naapektuhan sa bagyo ug mapadali ang ilang pagbangon gikan sa kalamidad.
Photo Courtesy: wikimedia commons
