Nasunog ang usa ka historic nga building duol sa Glasgow Central Station sa nasud Scotland nga giila sa usa sa pinakabusy nga train station sa nasod. Ang kalayo niabot sa ika upat nga andama sa building nga niresulta sa partial nga pagcollapse sa lugar.
Daghang bumbero ang niresponde sa tawag taknang alas-4 sa hapon niadtong Domingo, gamit nila ang tulo ka high-reach vehicles aron makontrol ang kalayo. Walay gikabutyag nga nasamdan atol sa maong panghitabo diin giingong nagpadayon sulod sa kapin 10 ka oras ang sunog.
Ang First Minister sa Scotland nga si John Swinney, nagpahayag sa iyang pagpasalamat sa mga bombero. Gipahimangnoan niya ang publiko nga likayan ang lugar ug mag-amping kung duol sa area. Tungod sa kalayo, ang Glasgow Central Station gisirado sa pagkakaron diin daghang tren nga padulong sa Edinburgh ug London na-delay.
Ang Glasgow Central giablihan niadtong tuig 1873 diin nahimong kabahin nga tabang sa syudad ug kalambuan sa maong lugar.
Photo Courtesy: Travel and Tour World
