Gibatikos sa Malacañang Palace si Vice President Sara Duterte tungod sa iyang komento bahin sa paagi sa gobyerno sa pagpauli sa mga Pilipino nga naapektohan sa kagubot sa Middle East.
Sa usa ka interview ni Sara Duterte, gipadayag niini nga sayon ra ipadala ang eroplano aron makauli ang mga Pilipino bisan limitado ang airspace, base sa iyang kasinatian sa panahon sa COVID-19 pandemic sa Davao. Dugang niini nga usa sa iyang amigo gikan sa Dubai nakabiyahe pauli sa Pilipinas gamit ang commercial flight.
Apan sukwahi niini, giingon sa Palace Press Officer Claire Castro nga dili kini ang tinuod nga sitwasyon. Gihagit niya ang Bise Presidente nga mag-base sa facts, sitwasyon sa gobyerno, ug kondisyon sa mga stakeholders, dili lang sa experience sa usa ka tawo o sa usa ka amigo. Dugang ni Castro nga kung magbase lang sa tsismis o sa kasinatian sa usa ka tao, maapektuhan ang tibuok Pilipinas sa desisyon.
Kahibaloan nga daghang mga Pilipino pa ang gustong mopauli sa Pilipinas apan galisud pa sa pag-uli sanglit dili pa sento-porsyento nga gituogan ang tanang flights ilabi na sa Middle East.
Photo Courtesy: Abogado
