Patay nang nakaplagan ang usa ka delivery rider niadtong Sabado sa kasagbutan nga bahin sa Sitio Bakotoy, Barangay Pandag, Maguindanao Del Sur, samtang nagpadayon pa ang gihimong imbestigasyon sa mga otoridad.
Giila sa Pandag Municipal Police Station ang biktima nga si Julius Tiniedo Sonsona, 32-anyos, residente sa Barangay Poblacion, Tulunan, North Cotabato kinsa nagtrabaho sa J&T Express sa samang lungsod.
Base sa inisyal nga imbestigasyon, gidudahang gipatay ang biktima pinaagi sa pagtuok gamit ang pisi ug gikulata kini rason sa iyang kamatayon.
Matod pa sa mga otoridad nga tulis ang posibleng motibo sa krimen tungod kay nawala ang mga butang niini sama sa motorsiklo, pitaka ug mga personal nga gamit.
Sa pagkakaron mas gipalawoman pa sa Pandag MPS ang imbestigasyon aron madakpan ug masuta ang identidad sa mga suspek.
Photo Courtesy: Kad Sipat
