Nailhan na sa City Social Welfare and Development Office sa pagpanguna ni Daisy Perez Gaviola ang inahan sa masuso nga gilabay nga patay ug napalgan sa mga residente sa Purok Dalandan Taran Subdivision, Barangay Poblacion Kidapawan City kaniadtong adlaw’ng Huwebes, Marso 5, 2026.
Sa pakighinabi kaniya sa Juander Radyo Kidapawan News Team kaniadtong adlaw’ng Biyernes, Marso 6, 2026 gibutyag niini nga giangkon sa inahan nga gilabay niini ang bata human nga nasuta nga wala na kini kinabuhi sa dihang nakamata kini gikan sa pagkawala sa panimuot human nanganak nga wala matod pay kauban sa usa ka cr, hinungdan nga iya na lamang kini nga gilabay.
Dugang pa ni Gaviola nga possibleng nakasinati kini og depression nga kinahanglang hatagan og intervention sa nahisgutang buhatan hinungdan nga gipabiling pribado ang pagkatawo niini.
Kahinumduman nga ang maong bata nga adunay pusod nga nasangit sa bato sa maong sapa, hinungdan nga wala bug-os nga maanod ngadto sa ubos nga bahin.
Nanawagan ang buhatan sa mga ginikanan nga giyahan pag-ayo ang ilang mga anak aron malayo sa pre-marital sex.
