Gibutyag ni Congressman Edgar Erice ang usa ka insidente sulod sa House of human sa iyang speech sa plenaryo diin iyang gihisgutan ang dugay na niyang panawagan batok sa political dynasty sa nasod. Sumala kang Erice, wala pa siya mahuman sa pagsulti sa iyang speech sa dihang gisundo siya ug gidala sa opisina ni Sandro Marcos.
Matod ni Erice nga giuban siya ni Representative Marcelino Libanan padulong sa opisina ni Marcos. Sa sulod sa opisina ni Sandro, nangutana si Erice kun gnganong gisita siya ug kon unsay tuyo pagpatawag kaniya. Giingon ni Erice nga gipangutana siya ni Sandro kung nganong gi-atake ni Erice ang amahan niini nga si Ferdinand Marcos Jr..
Gipasabot ni Erice nga dugay na niyang adbokasiya ang pagsuporta sa balaod batok sa political dynasty ug kabahin lamang sa demokratikong diskusyon ang iyang mga kritisismo sa gobyerno. Matod niya nga ang pagpahayag sa kritiko makatabang sa pagtul-id sa sayop kon abli lang ang panghunahuna sa mga nagpaminaw.
Gipangutana usab ni Erice kung nganong gidala pa siya sa opisina aron kwestiyunon ang iyang speech. Matod niya nga kon adunay sayop sa iyang gipahayag, mas angay nga didto kini hisgutan ug debatihan mismo sa plenaryo sa Kongreso. Sa karon, wala pa’y opisyal nga pahayag gikan sa kampo ni Rep. Sandro Marcos kabahin sa alegasyon ni Erice.
Photo Courtesy: Politiko North Luzon
