Gidakop atol sa usa ka joint police operation ang usa ka 60-anyos nga panday nga nailhan nga “Dionny,” nga nag-atubang sa 4 ka kaso sa rape ug giila nga Top 1 Most Wanted Person sa rehiyon.
Gipahigayon ang pagdakop kaniya sa Purok 2, Barangay Poblacion, Libertad, Misamis Oriental niadtong nakalabay nga adlaw, pinaagi sa warrant of arrest nga giisyu ni Hon. Alexander Balingit Yarra, RTC Branch 21, Bansalan (Criminal Case No. XXI-1316–1319 FC), nga walay girekomendang pyansa.
Ang operasyon gipangulohan ni PMAJ Fidelito U. Viola Jr., OIC sa Bansalan MPS, kauban ang joint forces gikan sa Libertad MPS/MORPPO ug 2nd PMFC/MORPPO.
Human sa pagdakop, gipahibalo ang akusado sa iyang constitutional rights ug gikostudiya sa Libertad MPS, Misamis Oriental alang sa tukmang legal nga proseso.
