Nasikop sa mga operatiba sa Bislig City Police Station ang usa ka suspek nga nailang si alyas “Pol-Pol,” 30-anyos, human sa nahitabong pagpamusil sa Barangay Maharlika ka gabei, Pebrero 24, 2026
Gilusad ni PLTCOL FELIX P. GONZALES JR. ang dinaliang hot pursuit operation human gi-ambush sa duha ka lalaki nga nagsakay og motor ang usa ka biktima nga gikan pa sa Tagbina kansa naka angkon og daghang samad pinusilan gikan sa kalibre .45 nga pistola apan luwas na kini karon ug kasamtangan nga nagpa alim sa balay tambalanan.
Narekober sa crime scene ang unom ka basiyo sa bala. Base sa imbestigasyon, panagbangi matod pa kalabot sa ilegal nga drugas ang motibo sa maong krimen, samtang nagpadayon karon ang manhunt operation sa mga otoridad aron masikop ang kauban niini nga suspek nga giilang si “Ryan.”
Alayon niini, nagpasalamat si PLTCOL GONZALES JR. sa kooperasyon sa mga residente nga miresulta sa paspas nga pagkasikop sa suspetsado. Gipasalig usab sa kapulisan nga dili sila moundang hangtod dili madakpan ang usa pa ka kauban niini aron magpabilin ang kalinaw sa komunidad
Photo courtesy: Bislig City Police Station
