Usa ka lalaki sa China ang nakahukom og diborsyo human sa 16 ka tuig nga kaminyoon tungod sa iyang nadiskubrehan nga wala diay siyay anak sa iyang asawa.
Sumala sa report, minyo ang lalaki ug ang iyang asawa sukad 2007 ug nagtuo siya nga amahan siya sa ilang mga anak samtang nagtrabaho siya isip long-distance driver ug pirmi wala sa balay.
Apan niabot ang panahon nga nagduda siya, ilabina sa dihang nabuntis na usab ang iyang asawa bisan wala siya makigdulog niini.
Sa katapusan, nagpakuha siya og DNA test ug didto niya nasayran ang makabungog nga kamatuoran — walay bisan usa sa iyang gipadako, nga iyang anak.
Ang kaso miabot sa korte, ug human sa taas nga drama nga sama sa primetime series, giaprubahan ang diborsyo ug gipabayad ang iyang ex-wife alang sa emotional damages.
Busa pahimangno sa mga magtiayon: importante ang pagsalig sa relasyon pero kinahanglan adunay panahon sa usag-usa, schedule, ug gamay nga kahibalo sa science.
Photo courtesy: Oddity Central
