Nagpagawas ug pahayag si Kapuso actress Kylie Padilla sa dihang gipangutana bahin sa posibleng pagdagan sa mas mataas nga posisyon sa 2028 elections sa iyang amahan nga si Senator Robin Padilla nga matud pa niya “Aalis na ako ng Pilipinas”.
Kini misunod sa anunsiyo ni Vice President Sara Duterte nga modagan siya pagka President sa sunod nga national election.
Si Robin Padilla, nailhan nga kaalyado sa pamilya Duterte, nagpahayag nga andam siya modagan isip posibleng Vice President ni Sara Duterte kung kini imando kaniya kanhing Presidente Rodrigo “Digong” Duterte.
“Walang puwedeng mag-utos sa akin kahit sino, si Digong lang. Kasi ayaw ko talaga ng politika, pero kapag sinabi ni Digong, susunod ako,” pahayag ni Padilla sa usa ka interbyu kaniadtong Pebrero 20, 2026.
Sa pagkakaron, daghang Pilipino ang nagtan-aw sa posibilidad nga mahimong running mate ni Sara Duterte si Robin Padilla.
Photo courtesy: Rappler
