Calaboso el 11 individual inclujido el dos menor de edad durante el entrapment operation del combinao puersa del ciu, que ta encavesa si PLTCOL Hartzel Billedo, cidmu que ta encavesa si PMAJ Chester Natividad y el PS-11 que ta encavesa si PCPT Ariel S. Cabanlong na officina del CSWDO, locao na barangay Zone IV en este ciudad, del martes tarde Pebrero 24, 2026.
Antes occuri el operacion, ya recibi asegun report el maga otoridad estava na officina del mencionao ahencia, donde tiene asegun maga individual ta pidi assistencia financial que donde peke el maga documento ta jusa.
Omentos pa que lo mismo el secretary to the Mayor Celso Lobregat el ya man cuento con el maga persona quen ya jusa peke maga papeles para pidi assistencia na govierno
Na entrevista con el maga suspechao 1st time asegun sila ya anda na mencionao ahencia para segun pidi assistencia y tiene lang asegun con ila quen ya manda en cambio na cantidad de dos mil de pesos
Mientrastanto el maga suspechao na custodia del otoridad y esperansao hay emfrenta el caso de falsification of documents.
