Nasikop sa mga otoridad ang usa ka 23-anyos nga estudyante nga naila nga Top 6 Most Wanted Person sa Regional Level tungod sa kaso sa murder sa Sitio 24, Barangay Panagangan, La Paz, Agusan del Sur.
Natigayon ang malampusong operasyon niadtong, Pebrero 23, 2026, bandang ala 1:59 sa udto, pinaagi sa hiniusang pwersa sa La Paz MPS, 1303rd MC, RMFB13, RIU-13 PIT Agusan del Sur, ug SAF 15th Special Action Company.
Gilusad ang pagsikop pinasikad sa Warrant of Arrest batok sa suspek nga residente sa Kasapa, Camp Valentina, La Paz. Gipahayag ni PCol Yusup nga ang maong kalampusan resulta sa lig-on nga suporta sa komunidad aron mapadayon ang kalinaw ug kahapsay sa tibuok Agusan del Sur.
Atol sa pagkasikop, gipahibalo ang suspek sa iyang mga katungod ubos sa Miranda Doctrine ug Anti-Torture Act. Kasamtangan, siya karon anaa sa kustodiya sa La Paz MPS alang sa tukmang dokumentasyon ug legal nga disposisyon.
Photo courtesy: La Paz MPS
