Mokabat sa kapin 1 ka libo ka pamilya ang kinatibuk-ang apektadong residente sa lungsod sa Montevista, tungod sa baha nga resulta sa halos tulo ka adlaw nga pagbundak sa ulan tungod sa shear line sa miaging semana.
Sumala ni Montevista Mayor Cyrex Vasalo, tungod sa padayong re-validation sa LGU ug DSWD pipila ka mga pamilya usab ang wala gilayon mahatagan ug hinanaling hinabang gikan sa maong buhatan, tungod kay ang nakahatag lamang sila ug mokabat ngadto sa kapin 700 ka mga apektadong pamilya ug mga food packs.
Dugang ni MSWDO OIC JANET V. ARENDAIN ang 1,009 ka mga pamilyang apektado gilangkuban sa 17 ka mga Barangay sa maong lungsod, nga diin mihikling sa nagkalain-laing mga evacuation center sa mga Barangay.
Samtang hugot ang pahimangno sa Mayor ngadto sa mga residente panahon nga dunay mga kalamidad nga sama sa pag baha, nga daling motuman sa ginapahigayong preemptive evacuation aron malikayan ang disgrasya ug dili mabutang sa piligro ang kinabuhi sa responders.
