Nagsugod na ang Department of Social Welfare and Development sa Caraga (DSWD-13) sa paghatag og social pension alang sa mga indigent senior citizens para sa unang kwarter sa 2026.
Sumala sa report sa DSWD-13 niadtong Lunes, tulo ka local government units sa Surigao del Sur, Agusan del Sur, ug Surigao del Norte, kauban ang Butuan City, nakompleto na ang distribusyon. Ang paghatag gihimo pinaagi sa series of payout activities sa miaging semana.
Sa kinatibuk-an, 20,854 ka indigent senior citizens ang nakadawat og PHP3,000 matag usa, nga nagkantidad og PHP62.6 milyon.
Sa Butuan City, 17,561 ka beneficiaries ang nakadawat og PHP52.7 milyon, samtang sa San Luis, Agusan del Sur, 1,539 ka senior citizens nakadawat og PHP4.6 milyon.
Sa Sison, Surigao del Norte, 1,086 ka beneficiaries nakadawat og PHP3.3 milyon, samtang 668 ka seniors sa Bayabas, Surigao del Sur nakadawat og PHP2 milyon.
Matud sa DSWD-13, ang mga payout activities gihimo sa husto nga koordinasyon sa mga lokal nga panggamhanan, social welfare offices, ug barangay officials.
Ang social pension program nagtumong sa pagtabang sa adlaw-adlaw nga panginahanglan ug medikal nga gasto sa mga indigent senior citizens nga huyang, masakiton, persons with disabilities, o walay regular nga kita ug suporta gikan sa pamilya.
Photo courtesy: DSWD
