Giawhag ni James Baugbog, Provincial Chief sa Highway Patrol Group sa Cotabato Province, ang mga residente sa Kidapawan City nga dili magduha-duha sa pagreport kung adunay mga reklamo o impormasyon nga may kalabotan sa ilang serbisyo aron dali kining maaksyunan.
Ang maong panawagan gihimo ni Baugbog atol sa subling pag-courtesy visit sa news team sa Juander Radyo Kidapawan kagahapon, Lunes, Pebrero 23, 2026.
Sumala pa sa opisyal, importante ang kooperasyon sa katawhan aron mapadayon ang kalinaw ug kahapsay sa mga dalan hilabi na sa pagpatuman sa balaod-trapiko ug pagsugpo sa mga illegal nga kalihukan sa kadalanan.
Giawhag usab niini ang publiko nga mahimong aktibo sa paghatag og impormasyon aron mas mapadali ang aksyon sa mga otoridad batok sa mga problema sa trapiko ug seguridad sa dalan sa lungsod.
