Nagpahibalo si Primetime King Coco Martin nga mas mobuto pa ang aksyon ug emosyon sa katapusang tulo ka semana sa “FPJ’s Batang Quiapo.” Matod niya, kini na ang pinakadakong show nga iyang nahimo ug dili niya pakyason ang mga manan-aw sa usa ka talagsaon ug dili matagna nga ending.
Sa gipagawas nga trailer sa ABS-CBN, makita ang serye sa grabeng panag-atubang ni Tanggol batok kang Rigor, lakip ang pagsulong sa city hall aron mapakgang ang korap nga pamilyang Guerrero.
Gawas sa aksyon, gisaad usab niya ang makabagbag-damdaming mga eksena nga maghulga sa panaghigalaay ni Tanggol ug sa iyang mga kauban. Padayon usab ang kadaugan sa serye human makadaog og dagkong awards sa unang Philippine Arts, Film, and Television Awards.
Photo Courtesy: ABS CBN
