Wala na kaikyas pa sa mga otoridad ang usa ka indibidwal sa gikasang hiniusang operasyon sa munisipyo sa Manay, Davao Oriental niadtong Pebrero 21, 2026 sa buntag.
Giila ang suspetsado nga si alyas “Jake”, 26-anyos, usa ka laborer ug gikonsiderang Top 2 Most Wanted Person.
Naaresto ang suspek pinaagi sa pagpatuman sa warrant of arrest nga gihimo sa mga personahe sa Regional Special Operations Group (RSOG 110 ug sa koordinasyon sa Mati City Police Station sa pagpanguna ni PLtCol Frederick C Sa-ao, Acting Chief of Police.
Ang suspek nasayran nga adunay kasong pagpanglugos ug Acts of Lasciviousness nga giisyu ug gipirmahan sa korte. Sa kasamtangan ang dinakpan gikustodiya ana sa kapulisan alang sa tukmang disposiyon.
