Gidakop sa kapulisan sa Bansalan Municipal Police Station ang usa ka babaye nga usa sa mga gipangita sa balaod human maserbisyohan og warrant of arrest karong buntag, niadtong nakalabay nga adlaw sa buntag sa Quiros Street, Barangay Poblacion Dos, Bansalan, Davao del Sur.
Ang nadakpan giila nga si alyas “Aileen Donedo,” 51- anyos, balo, usa ka overseas Filipino worker o OFW, ug residente sa Purok Rose, Barangay Bonifacio sa maong lungsod.
Ang warrant of arrest gi-isyu ni Honorable Sol Marie P. Andoygawiden, Presiding Judge sa Municipal Circuit Trial Court Branch 001, Bansalan,Davao Del Sur may kalabutan sa kasong unjust vexation ubos sa Criminal Case Number 05(21)-B, ug adunay gitakdang piyansa nga tres mil pesos o ₱3,000.
Sumala sa kapulisan ubos sa pagpangulo ni PMAJ Fidelito U. Viola Jr., Officer In Charge sa Bansalan Municipal Police Station, gipahibalo ang akusado sa iyang katungod ubos sa Miranda Doctrine ug karon anaa na sa kustodiya sa kapulisan alang sa hustong disposisyon.
Photo Courtesy: Bansalan Municipal Police Station
