Patay ang usa ka top 1 Provincial level most wanted person apil ang duha ka kauban niini human misukol atol sa manhunt operation sa kapulisan nga nagpatuman sa warrant of arrest sa Purok 6, Brgy. Kilada, Matalam, Cotabato niadtong nakalabay nga adlaw.
Base sa report, gilunsad ang operasyon human makompirma sa mga awtoridad ang nahimutangan ug identity sa mga suspek, ingon man ang validity sa ilang warrant of arrest.
Apan gikatahong miresulta sa pinusilay ang operasyon human misukol ang mga suspek nga hinungdan sa ilang hinanaling kamatayon.
Gipahigayon dayon ang clearing operation sa lugar samtang padayon pa ang imbestigasyon ug pagkuha sa mga ebidensya sa mga awtoridad aron mahibaluan ang katibuk-ang detalye sa insidente.
Photo Courtesy: Eric Jhon Estolloso
