Nangayo og pasaylo si Poblacion, Kidapawan City Chairman Melvin Gerald “Jec-jec” Lamata III, ngadto sa mga katawhan tungod sa isyung mitumaw kalabot sa panaglalis tali ni Kagawad Gerlie Bombeo, niadtong nakalabay nga adlaw, atol sa ilang sesyon sulod mismo sa session hall sa nahisgutang baranggay.
Sumala pa ni Lamata, nga tawo lamang siya ug adunay emosyon ug kasing-kasing nga masakitan. Dugang pa, isip amahan sa barangay, naulaw kini sa maong panghitabo hilabi na nga mga opisyal sa maong barangay ang nalambigit.
Kahinumduman, nitumaw ang maong isyu atol sa pag-appoint og mga komitiba, kung asa wala nagkasinabtanay ang mga opisyales.
Una na usab nga nipasaka og kaso niadtong milabayng adlaw si Kagawad Bombeo batok sa Kapitan ngadto sa opisina sa piskalya sa dakbayan.
Photo Courtesy: Inside Kidapawan City
