Nadakapan sa mga kapulisan ang duha ka mga drug suspek human sa gipahigayong drug buy- bust operation sa Purok 3, Barangay Poblacion South, Piñan, Zamboanga del Norte niadtong nakalabay nga adlaw.
Giila ang duha ka mga suspetsado nga sila alyas Bordok 38-anyos, lumulupyo sa Dipolog City, alyas Kogdoy, 38-anyos, motorcab driver ug taga lungsod sa Polanco Zamboanga Del Norte.
Narecover gikan sa mga dinakpan ang 5 ka sachet sa shabu nga motimbang sa 1.5 gramos ug nagkantidad ug Php10,200.00. Dugang sa nasakmit mao ang 500 peso bill nga gigamit isip buy bust money, ug us aka empty cigarette pack nga gigamit isip container sa druga.
Gipangunahan sa mga personahe sa Municipal Drug Enforcement Team (MDET) of Piñan Municipal Police Station ang maong operasyon kauban ang RMFB-9, ZNPIU, ZNPMFC, ug Philippine Army.
Sa pagkakaron ang mga suspetsado nakakustudiya na sa Piñan MPS ang mga suspetsado samtang ang nasakmit nga ebidensya giturnover ngadto sa Provincial Forensic Unit-9 alang sa laboratory examination.
Photo Courtesy: Piñan MPS
