Nasikop sa Matanao Municipal Police Station ang usa ka lalaki nga Top 7 Most Wanted Person provincial level atol sa operasyon nga gipahigayon niadtong nakalabay nga adlaw, sa lungsod sa Matanao, Davao del Sur.
Ang dinakpan giila nga si alyas Vicente, 52-anyos, minyo, ug residente sa Barangay Bangkal sa nasangpit nga lungsod. Siya nag-atubang og kasong sexual assault in relation to Republic Act 7610 o ang Special Protection of Children Against Abuse, Exploitation and Discrimination Act.
Ang warrant of arrest giisyu ni Honorable Maria Fe D. Orig-Maloloy-on, Presiding Judge sa Regional Trial Court Branch 5 sa Digos City, nga adunay gitakdang piyansa nga nagkantidad og 200,000 pesos alang sa iyang temporaryong kagawasan.
Sa pagkakaron, ang suspek anaa na sa kustodiya sa Matanao Municipal Police Station alang sa hustong disposisyon ug legal nga proseso.
Photo Courtesy: Matanao MPS
