Nadakpan sa kapulisan ang usa ka Street Level Individual (SLI) atol sa drug buy-bust operation nga gipahigayon sa Barangay Aplaya, syudad sa Digos. Ang suspetsado giila nga si alyas “ROM,” 29-anyos, ulitawo, ug residente sa Purok 7-A, Tondo, Barangay Aplaya, Digos City.
Nasikop kini tungod sa alegasyong pagpayuhot sa ginadiling droga. Ang operasyon gipangunahan ni Police Captain Jun Mar Pasobillo, Chief sa City Drug Enforcement Unit, ubos sa mando ni Police Lieutenant Colonel Norman Yparraguerre, Acting Chief of Police sa Digos City Police Station.
Gawas sa buy-bust item, narekober usab gikan sa suspetsado ang upat ka managlahing pakete sa gituohang shabu ug mga drug paraphernalia, nga adunay gibanabang balor nga mokabat sa ₱71,400.
Sa pagkakaron, anaa na sa kustodiya sa Digos City Police Station ang suspetsado ug giandam na ang kasong paglapas sa Republic Act 9165 o Comprehensive Dangerous Drugs Act of 2002 batok kaniya.
