Gipahigayon niadtong Pebrero 10, 2026 didto sa Bistro Tinimbo, Brgy. Poblacion, Cateel, Davao Oriental ang Turnover of Office Ceremony sa pagpanguna ni PCOL Ritchie S. Bucol, Provincial Director sa Davao Oriental Police Provincial Office (DOPPO) nga girepresentahan ni PLTCOL Carlito T. Apilat, Deputy Provincial Director for Administration.
Ang maong kalihokan gisalmotan sa bag-ong Chief of Police sa Cateel Municipal Police Station nga si PMAJ Michael P. Celecio.
Mihatag ug kinasingkasing nga pagpasalamat ang bag-ong Chief of Police ug gipasalig ang maayung liderato sa kapulisan sa Cateel alang sa kalinaw ug kahapsay sa munisipyo.
Samtang, lakip sa mga mitambong sa maong aktibidad ang Municipal Mayor sa Cateel nga si Emilou C. Nuñez kinsa nagsilbing Guest of Honor ug Speaker. Anaa usab ang presensya sa mga sakop sa Sangguniang Bayan, mga personahe sa RPSB, 1103rd Company sa RMFB 11, PNP MASSCOM ug uban pang mga dinapit nga bisita.
Gilauman nga ang maong pagturn-over makapalig-on sa liderato, pagpalig-on usab sa Peace and Order, mapadayun ang transparency ug Integridad ug mas lig-on nga Police-Community Relations.
