Nanghatag sa walay bayad nga certified true copies sa mga dokumento, subay sa Municipal Tax Ordinance No. 2026-01 ang Office of the Municipal Civil Registrar sa lungsod sa Monkayo, Davao de Oro sa tibuok bulan sa Pebrero,
Matod ni MARILOU M. AMORA, MMPA, Acting Municipal Civil Registrar, kini nga inisyatibo kabahin sa pagsaulog sa Civil Registration Month, nga nagtinguha sa paghatag og mas sayon, paspas, ug epektibong serbisyo alang sa legal ug personal nga mga panginahanglanon sa mga residente sa maong lugar.
Apil sa mga dokumentong gitanyag nga walay bayad ang certified true copies sa birth certificate, marriage certificate, ug death certificate.
Ang inisyatibo nagtinguha nga mapadali ang proseso sa pagkuha sa mga dokumento ug masiguro nga ang matag residente adunay husto ug kasaligan nga kopya sa ilang mga rekord.
Giawhag usab ang tanang residente sa maong lungsod nga moduol sa buhatan aron mapahimuslan ang libreng serbisyo sa programa.
