Patay ang usa ka mekaniko, human kining gipusil sa Navara Road, Barangay Magsaysay, Kidapawan City, hapon niadtong nakalabay nga adlaw.
Giila ang biktima nga si Arvin Bactol, anaa sa hustong edad ug residente sa Barangay Junction sa nahisgutang syudad.
Sa taho, gipusil sa wala pa mailhing suspek ang biktima sa pipila ka higayon sa lain-laing parte sa iyang lawas nga miresulta sa iyang hinanaling kamatayon.
Nasayran, nga una ng nadakpan ang biktima sa mga awtoridad pinaagi sa search warrant implementation.
Sa karon, padayon pa ang ginahimong imbestigasyon sa Kidapawan City PNP aron masuta ang motibo sa pagpamusil lakip na ang posibleng pag-ila sa suspek.
