Giaprobahan sa Sangguniang Bayan ang pag award sa duha ka mga bag-ong prangkesa ngadto sa duha ka mga personahe atol sa gipahigayong 31st Sangguniang Bayan Session niadtong nakalabay nga adlaw.
Atol sa pag aprobar, nagpasidaan si Konsehal Frank Alipan ngadto sa mga benepisyaryo nga ang maong prangkesa usa lamang ka pribilehiyo ug dili katungod, busa kinahanglan kini nga ampingan ug sundon ang mga patakaran nga gihatag sa lehislatibo, tungod kay pwede kining ma-revoke kung dunay mga reklamo kanila sa ilang pag panerbisyo.
Samtang naghatag usab ug pahimangno si Konsehal Bayoneta ngadto kanila nga dili magsuot ug short sa panahon nga sila mamasada, kinahanglan matud pa nga mag suot sila ug disente ug presentableng suot ug likayan ang pagsul-ob ug tsinelas sa pagpamasada.
Photo Courtesy: Sangguniang Bayan of Nabunturan
