Arestado sa Anti-cybercrime Group ang usa ka cellphone technician human gipakaylap niini ang sex video sa mga studyante nga nagparepair og cellphone.
Sumala sa report, gikuha sa suspek ang sex video nga girekord sa mga biktima, nga mga minorde-edad kinsang nagtungha sa usa ka tulonghaan sa probinsya sa Agusan del Norte.
Sumala ni PBGEN. Wilson Asueta acting Director sa PNP-ACG, ang maong suspek gipatakag ang video sa mga biktima pinaagi sa mga chat Group ug sa mga kaila sa mga biktima lakip na sa iyang mga paryente hinungdan nga nakahatag kinig kaulaw sa pamilya sa biktima.
Bandang alas 6:40 sa gabie, nadakpan sa kapulisan ang suspek nga si alyas Buknoy, 41-anyos, residente sa barangay Libertad Butuan City, ug nakuha sa posesyon sa niini ang cellphone.
Sa kasamtangan ang suspetsado mag-atubang sa kalapasan sa Art. 282 Grave Threats in relation to Section 6 of R.A. 10175 nga adunay pyansa nga nagkantidad og 36,000 pesos alang sa iyang temporaryong kagawasan.
