Arestado ang usa ka lalaki kinsa giilang Top 9 Most Wanted City Level pinaagi sa gipahigayon nga manhunt operation sa kapulisan sa Brgy. Potungan, Dapitan City, Zamboanga del Norte niadtong nakalabay nga adlaw.
Giil ang dinakpan nga si Almits Duhaylungsod Sales, 18-anyos, ulitawo, ug residente sa Southern Poblacion, Plaridel, Misamis Occidental.
Gisikop ang suspetsado pinasikad sa warrant of arrest sa kasong Robbery with Force Upon Things nga gipagula ni Florendo Bolante Opay, Presiding Judge, Family Court, Ninth Judicial Region, Branch 4, Dapitan City, Zamboanga Del Norte pinetsahan ug Abril 2, 2025.
Adunay pyansa nga girekomendar ang korte nga nagkantidad ug Php100,000.00. Gipangunahan sa mga personahe sa Dapitan City Police Station ang maong operasyon kauban ang 901st MC, RMFB9 ug 1st ZNPMFC.
Kasamtangan anaa gikustudiya sa Dapitan CPS ang dinakpan alang sa tukmang disposisyon.
Photo Courtesy: Dapitan CPS
