Dakpan sa kapulisan ang usa ka negosyante nga nagsideline sa pagpamaligya ug druga sa gipahigayon drug buy-bust operation sa Purok Lawaan, Brgy. Banonong, Dapitan City, Zamboanga del Norte niadtong nakalabay nga adlaw.
Giila ang dinakpan nga si alyas Eloy, 37-anyos, ug residente sa Brgy. Bagting sa susamang dakabayan ug nalista isip Street Level Individual.
Nasakmit gikan sa suspetsado ang 4 ka gramos sa iligal nga drugang shabu nga nagkantidad ug Php27,200.00.
Gipangunahan sa mga personahe sa Dapitan City Police Station ang maong operasyon kauban ang Mabuhay SBC 5TH SOU MG ug 1st ZNPMFC hinungdan sa malampusong pagkasikop niini.
Balhog na sa selda sa Dapitan CPS ang dinakpan alang sa tukmang disposisyon.
Photo Courtesy: Dapitan CPS
