Arestado sa mga personahe sa Cateel Municipal Police Station ang usa ka other wanted person atol sa ilang gipatumang operasyon sa Sitio Mahan-ob, Brgy. Mainit, Cateel, Davao Oriental pasado alas 6:00 sa gabii, niadtong nakalabay nga adlaw.
Uban sa koordinasyon sa PIU DOPPO, 1st DOPMFC 1103RD Maneuver Company ug uban pang law enforcement units nasikop si alyas “Ter”, 46-anyos nga negosyante ug residente sa Purok Rose, Brgy. Poblacion, Caraga, Davao Oriental.
Ang akusado nadakpan pinaagi sa pagpatuman sa warrant of arrest alang sa kasong paglapas sa Estafa by False Pretense ug adunay pyansang girekomendar ang korte nga mokabat sa Php4,000.00.
Sa kasamtangan ang dinakpan anaa na sa kustodiya sa Cateel Municipal Police Station ang alang sa tukmang disposisyon.
Photo Courtesy: PCR Cateel
