Hugot na ang pagpangandam sa Nabunturan Municipal Police Station aron masiguro ang kaluwasan ug kalinaw sa katawhan, ilabi na karon nga hapit na ang tinuig nga selebrasyon sa Bulawan Festival sa Probinsya sa Davao de Oro.
Sa pakighinabi sa Juander Radyo News Team, gipahayag sa Chief of Police sa Nabunturan Municipal Police Station nga si PLTCOL Gomersendo L. Diwata II nga nagkahiusa ang tanang kapulisan sa Nabunturan kauban ang Davao de Oro Police Provincial Office sa pagpatuman sa mga lakang sa seguridad atol sa selebrasyon.
Sumala pa ni PLTCOL Diwata, gihatagan og dakong pagtagad ang peace and order aron masiguro nga luwas ug malinawon ang pagselebrar sa Bulawan Festival sa tanang motan-aw sa kalihokan sa probinsya.
