Gipalapdan pa sa Zamboanga Sibugay Police Provincial Office ang usa ka Cybercrime Awareness Program nga gitumong sa pagpahibalo sa katawhan bahin sa mga hulga sa online sama sa online scam, identity theft, ug cyberbullying.
Matod pa sa mga opisyal sa PNP, importante nga mahibalo ang mga estudyante, ginikanan, ug negosyante sa husto nga paggamit sa social media ug online transactions aron malikayan ang pagkabiktima sa cybercrime.
Lakip sa gihisgutan sa programa ang mga paagi sa pagpanalipod sa personal nga impormasyon, pag-ila sa peke nga online messages, ug ang hustong paagi sa pag-report sa cybercrime ngadto sa kapulisan.
Gidugang usab sa mga otoridad nga dako ang tabang sa kooperasyon sa komunidad aron mapugngan ang mga krimen nga ginabuhat pinaagi sa internet.
Padayon ang panawagan sa kapulisan nga magmatngon ang tanan sa paggamit sa teknolohiya, ilabi na karon nga mas daghan na ang online nga kalihokan.
Photo Courtesy: Greater Kashmir
