Nasikop sa Traffic Enforcers ang drayber sa tricycle nga may Body Number SC-3330 nga nalambigit sa usa ka hit and run incident, sa milabayng adlaw, sa Surigao City.
Subay sa rekord, ang maong drayber nalambigit sa aksidente sa dalan diin adunay batang naligsan duol sa Surigao City National High School (City High) ug nisibat ang nasangpit nga drayber.
Human sa imbestigasyon, daling na trace ang nahimutangan sa tricycle ug ang drayber giisyuhan na og Traffic Citation Ticket (TCT) tungod sa “Involved in Traffic Accident”, nga adunay multang Php 1,500.00.
Gipahimangnoan ni PCPT ROBERT M. PAREDES, PNP OIC, Traffic Operation Coordinator, ang tanang drayber nga magmatngon kanunay sa pagpadagan ug ihatag ang prayoridad sa kaluwasan sa mga pedestrian, ilabi na sa mga kabataan.
