Arestado ang Top 8 Regional Most Wanted Person, sa gikasang operasyon sa Kidapawan City Police Station sa Purok 1-B, Barangay Ilomavis, Kidapawan City, Cotabato, niadtong Pebrero 3, 2026. Giila ang dinakpan nga si alyas Julio, residente sa nahisgtuang lugar.
Adunay kasong Carnapping ang dinakpan ilawom sa Section 3 sa Republic Act 10883, nga gi-isyu niadtong Nobyembre 3, 2025, ni Hon. Vicente Cuanang Dumbrigue, Presiding Judge, Regional Trial Court, Branch 61, 12th Judicial Region, Kidapawan City, ug adunay pyansang girekomenda nga Php 300,000.00.
Dungan sa pagdakop, gipahibalo ang dinakpan sa iyang katungod ilawom sa konstitusyon sa sinultihan nga iyang nasabtan.
Sa kasamtangan anaa sa kustodiya sa Kidapawan City PNP ang dinakpan, samtang ginahulat ang commitment order gikan sa korte.
Photo Courtesy: PRO12 Kidapawan City Police Station
