Usa ka mini dump truck puno sa unserviceable wires ang nakolekta sa unang unom ka adlaw sa operasyon sa Task Force Hapsay Linya. Ang unang operasyon napahigayon sa Barangay Poblacion, sakop syudad Iligan.
Ang pagpahapsay ug paglimpyo sa mga poste sa syudad kabahin sa gipatuman nga public safety initiatives aron malikayan nga mosangyad o mahimong peligro sa mga tawo sa kalsada, ilabi na sa panahon sa kusog nga bagyo o dautang panahon.
Ang Task Force Hapsay Linya gipangulohan sa Iligan City Disaster Risk Reduction and Management Office kun (ICDRRMO) ug gilangkuban sa GLOBE, PLDT, SCVI, SMART, ILPI, City Engineer’s Office, City General Services Office, ug City Traffic and Parking Management Office.
Sumala kang Armien Alorro, Head sa ICDRRMO, nga ang maong operasyon alayon sa mando ni Mayor Frederick Siao ug nagtumong sa pagpalig-on sa kaluwasan sa publiko pinaagi sa paglimpyo ug pag-ayos sa kuryente ug telecommunication lines sa siyudad.
Photo courtesy to :LGU-ILIGAN
