Daling girespondihan sa mga sakop sa CDRRMO Operations Center ang usa ka tawag gikan sa usa ka concerned citizen ug gikatahong adunay usa ka motorsiklo ang nasunog sa may Sea Oil, Barangay Dahican, Mati City, Davao Oriental pasado alas 12:20 sa hapon niadtong nkalabay nga adlaw.
Gilayong giverify sa mga rescue team ang maong insidente uban sa mga personahe sa Bureau of Fire Protection Mati og sa pag-abot sa area nakita ang motorsiko nga nasunog ug nakaangkon og dakong kadaot.
Matod sa tag-iya sa motorsiklo, nga human siya nagpatubil sa gasolina ug makadagan sa gibana banang 5 ka metros gikan sa maong gasolinahan kalit na lamang niyang namatikdan nga nasunog na kini ug gilayong mipalayo uban ang iyang asawa ug duha ka mga anak.
Dali usab nga miresponde ang usa ka pump attendant ug personnel sa CDRRMO, gamit ang duha ka fire extinguisher ug napalong ang kalayo. Gikataho nga ang pump attendant nakatambong ug firefighting training ug tungod niini nahimong nagmalampuson ang iyang gibuhat nga aksyon. Hinuon, walay gikatahong nasamdan ug naangol sa maong insidente.
