Nakagawas na sa prisohan ang PGT finalist nga si Joven Olvido human sa hapit upat ka tuig nga pagkabilanggo. Gipahibalo sa komedyante ang iyang kagawasan niining Bag-ong Tuig, nga emosyonal niyang gisaulog.
Matod ni Olvido, ang iyang pagkapriso may kalabutan sa kaso sa ilegal nga droga, ug dakong pasalamat ang iyang gipaabot sa inahan, asawa, ug anak sa ilang walay puas nga suporta ug sakripisyo samtang siya anaa sa sulod. Giingon niya nga ang gugma sa pamilya ang nagsilbing kusog aron makalahutay sa maong dakong pagsulay sa iyang kinabuhi.
Daghang netizens ang nidayeg ug nipadangat sa ilang maayong panghinaot alang sa bag-ong yugto sa kinabuhi ni Olvido. Giisip kini sa kadaghanan nga usa ka dakong oportunidad alang kaniya aron magbag-o ug makasugod pag-usab sa karera sa showbiz.
Photo Courtesy:Joven Olvido
