Sentensiyahan og 9 ka bulan nga pagkapriso sa korte sa Romania ang Amerikanong rapper nga si Wiz Khalifa tungod sa kaso sa pagbaton sa ilegal nga droga. Ang desisyon gipagawas niadtong December 18, kapin 1 ka tuig human sa iyang pag-apil sa Beach, Please! Festival sa Costinești niadtong July 2024.
Sumala sa mga otoridad, nasakpan si Khalifa nga nagamit og marijuana samtang nag-perform sa entablado ug nakuhaan og kapin 18 gramos sa maong droga. Matod sa Constanta Court of Appeals, pinal na ang desisyon ug gipulihan ang unang multa og sentensiya sa pagkabilanggo, tungod kay giila kini nga naghatag og mensahe nga nag-normalize sa ilegal nga pamatasan ilabina sa kabatan-onan.
Miingon si Khalifa sa social media nga wala siya naglapas sa balaod sa Romania. Samtang giingon sa usa ka Romanian criminologist nga dili bug-at ang sentensiya.
Photo Courtesy to: TheWrap
