Subling gipanghingusgan karon sa Oro Response and Processing Center ilawom sa City Social Welfare and Development Department sa Cagayan de Oro ang kampanyang “Magbigay sa tamang paraan, huwag sa daan”.
Atol sa programang Department in Focus, gipasabot ni Cherikhawa B. Paña, RSW ug nangulo sa ORPC nga ginadili sa balaud ilawom sa Anti-Mendicancy Law ang pagpanghatag og limos sa mga mendicants o mga indibidwal nga namuyo sa kadalanan.
Sumala pa ni Paña, kung sigehan sab ni sila og hatag, mogara ang uban ug kung dili mahatagan og sinsilyo aduna nay tendensiya nga mangharas o masuko sa ilahang ginapangayuan.
Kung dili mapugngan o malikayan nga mohatag, giawhag nga dili motunol og kwarta, pwede pagkaon, o ipaabot ang hinabang ngadto sa ilahang buhatan sa Oro Response and Processing Center.
Samtang, padayon sab ang ilahang pag reach out sa mga mendicants kung asa dalahon nila sa holding area aron nga mahatagan og interbensyon ug rehabilitasyon kung gikinahanglan.
Photo courtesy: City Information Office
