Dul-an sa dosmil nga mga Coordinators, Dealers and Guest ang mitambong sa gipahigayong Dealers and Coordinators Christmas Party nga gipahigayon adlaw’ng Martes, Disyembre 16, 2025, sa Pagadian Capitol College, Barangay Bulatok, Pagadian City.
Ang kalihukan gitambungan mismo sa RSV Group of Companies CEO and President Richard S. Villaronte uban si Vice President for Operation sa RSV Broadcasting Services, Ma.Luz E. Agsaluna ug si Vice President for Operations sa RSV Lifecare Marketing Inc., Ariel A. Abog.
Nahimong highlights sa maong kalihukan ang pagpahigayon sa raffle draw sa tulo ka mga major prizes nga gilangkuban sa mga Brand New Single Motor XRM 125, Refrigerator ug 32 inches Flatscreen Television.
Kulbahinam ang nahimong pagpili sa mananaug sa maong mga major prizes diin napili isip 3rd prize winner si Ricky Manatad nga naka-angkon sa 32 inches FlatscreenTV.
Sa 2nd prize winner si Nely Calme nga nakadala sa Refrigerator samtang ang nakakuha sa 1st Prize mao si Hermenia Olimba nga naka-angkon sa single motor XRM 125.
Sa maong kalihukan mihatag sab ug lingaw sa tanang mitambong ang mga dramatista gikan sa Sugbo pinaagi sa paghimo sa pasundayag live drama nga giuluhan ” Yam-iran Ko Ang Imong Kamatayon”.
Gihatagan usab ug mga award ang nahimong Top 3 dealers sa Tubod Branch ug Pagadian Branch diin nahimong overall Top 1 Dealer si Jemar Duhaylungsod, Top 2 si Ruth Templado ug Top 3 si Lovenia Maghanoy.
Sa maong kalihukan, mitunol usab ug mensaheng pagpasalamat si CEO Richard Villaronte sa tanang Coordinators and Dealers sa ilang gipakitang suporta alang sa pagkab-ot sa tumong sa kompanya.
