Gipahugtan sa Surigao del Norte-Police Provincial Office sa pagpangulo ni Provincial Director PCOL WARREN E. DABLO, ang kampanya sa Campaign Against Violence Against Women and Children (VAWC) atol sa Monday Flag-Raising Ceremony karong adlawa, Disyembre 1, 2025.
Usa sa mga nag-unang bahin sa kalihokan mao ang pagsanong sa ilang suporta sa 18-Day Campaign to End Violence Against Women, usa ka tinuig nga national advocacy nga nagtinguha sa pagpanalipod ug proteksyon sa kababayen-an ug kabataan.
Sa ilang pagpanumpa, gipirmahan ang “Commitment” ug misaad ang opisyal sa SDNPPO nga ipadayon ang pag-awhag sa positibong kausaban, pakusgan batok sa kalapasan, mosuporta sa mga biktima, ug aktibong molihok aron mapugngan ang pagpanlupig batok sa kababayen-an pinaagi sa pagpalambo sa gender equality, ug pagpatunhay sa kultura sa respeto.
Dugang ni PCOL Dablo nga Kini nga inisyatibo usa ka kolektibong panawagan aron tukuron ang usa ka VAW-free nga Surigao del Norte ug, sa katapusan, usa ka VAW-free nga Pilipinas.
Gi-awhag usab ni PCOL DABLO ang mga personahe sa kapulisan nga palig-onon pa ang ilang paningkamot sa pagmintinar sa kahusay ug kalinaw ilabi na sa panahon sa Pasko.
