Ipatuman sa Department of Agriculture (DA) karong adlawa, Disyembre 1, ang maximum suggested retail price (SRP) nga Php120 matag kilo sa pula ug puti nga sibuyas.
Matod ni Agriculture Secretary Francisco Tiu Laurel Jr., tumong niini nga makontrol ang pagsaka sa presyo sa sibuyas ilabi na karong Pasko.
Gipatuman ang SRP tungod kay nagkataas ang presyo sa sibuyas, diin base sa ilang monitoring, niabot na kini sa Php300 matag kilo o usahay moabot ngadto sa Php400 ang matag kilo.
Gipahinumdoman usab sa Kalihim nga ang rice import moratorium nga gipatuman epektibo hangtod sa Disyembre 31.
Gikatakda usab nga mo-isyu og price ceiling ang Department of Agriculture (DA) sa pipila ka imported nga baboy ingon man mga sibuyas ug carrots gikan sa ubang nasud.
Photo Courtesy to:Growmudra
