Engaged na ang celebrity couple nga sila Ronnie Alonte ug Loisa Andalio, human si Ronnie gibutyag sa iyang heartfelt proposal pinaagi sa usa ka vlog sa ilang YouTube channel, dungan sa ilang 9th anniversary niadtong Nobyembre 26, 2025.
Sa maong video, gipakita ni Ronnie ang iyang pamaagi sa pagpili ug pagpa customize sa singsing nga matod pa niya, gihulma base sa dream engagement ring ni Loisa. Ang ring adunay oval-shaped design ug engraved nga petsa sa ilang pagsugod isip mag-uyab, uban sa R.L. nga initials.
Human madawat ang singsing, gihimo ni Ronnie ang simple apan kinasing-kasing nga proposal pinaagi sa usa ka kunohay preview sa ilang vlog. Samtang tan-aw nila ang video uban sa ilang fur baby, kalit mitungha sa screen ang mensahe nga Will you marry me? nga naka-surprise gyud kang Loisa.
Dihang nangayo si Ronnie sa tubag, miduko kini ug mitug-an sa iyang tinuorayng pagbati, nag-ingon nga deserving kaayo si Loisa sa maong espesyal nga higayon. Si Loisa miduko og mihilak sa katapusan mitubag og Yes.
Gipasalamat usab ni Ronnie ang jeweler sa customized ring ug giingong dugay na niyang gitigom ang mga hint sa gusto ni Loisa nga proposal. Kini ang ilang opisyal nga kumpirmasyon human sa engagement teaser nga ilang gi-post niadtong miaging semana.
Photo Courtesy to:Philstar.com
