Gipasidunggan ang Munisipyo sa Malungon isip mananaog sa Children Sector ug Youth Sector categories, ug finalist sa Women, PWD, ug Senior Citizen Sectors atol sa DSWD 12 Panata Ko sa Bayan 2025: Gawad Serbisyong Mahusay Awarding Ceremony nga gipahigayon niadtong Nobyembre 6, 2025, sa Koronadal City.
Ang mga pasidungog nadawat sa Bise Mayor sa maong lungsod, uban ni DSWD 12 Regional Director Loreto V. Cabaya Jr. kinsa nangulo sa regional awarding ceremony.
Kini nga inisyatiba sa DSWD nag-ila sa talagsaong performance sa mga Local Government Units pinaagi sa ilang Local Social Welfare and Development Offices (LSWDOs), nga nagsilbi nga nag-unang tigpatuman sa mga programa sa social protection sa departamento.
Kini nga mga pag-ila nagpakita sa padayon nga pasalig sa Malungon sa paghatod sa epektibo ug inklusibo nga mga serbisyo sa kaayohan sa katilingban nga nagpataas sa kinabuhi sa matag Katawhan.
Photo Courtesy to:Malungon Information Office
