Atol sa pag-obserbar sa Undas 2025, ang 89th Infantry (MAKATAO) Battalion, 10th Infantry (AGILA) Division, Philippine Army, ubos sa pagpangulo ni Lieutenant Colonel Antonio G. Bulao I, Battalion Commander, mipakatap sa mga troops sa mga sementeryo ug mga importanteng lugar sulod sa Area of Operations sa pagsiguro sa kaluwasan ug seguridad sa tibuok probinsya sa Bukidnon niaging Nobyembre 1–2. 2025.
Sa hugot nga koordinasyon sa Philippine National Police, Bureau of Fire Protection, Local Government Units, ug mga opisyal sa barangay, ang mga trooper sa MAKATAO gibutang sa mga estratehikong lokasyon nga naglangkob sa San Fernando, Valencia City, Maramag, Don Carlos, Kibawe, Dangcagan, Kadingilan, Kitaotao, Damulog, ug Quezon sa probinsya sa ilang visibility patrols
Ubos sa mando ni LtCol Bulao, ang 89IB nagpabiling lig-on sa ilang pasalig sa pagpanalipod sa katawhan ug pagpreserbar sa kalinaw sa mga komunidad nga gialagaran niini.
Samtang si PCol Oliver Sotto Navales, Officer-in-Charge sa Bukidnon Police Provincial Office, uban ni PMAJ Felipe Omalza Yap, Jr., hepe sa Provincial Operations Management Unit, nipahigayon og checkpoint visitation ug inspection sa kaandam sa operasyon, deployment, mga lakang sa seguridad, ug kaandam sa mga personahe sa kapolisan sa pagsiguro sa kaluwasan sa publiko, pagdumala sa dagan sa trapiko, paghatag tabang sa pulisya, ug pagmentinar sa kalinaw ug kahusay sa mga sementeryo, mga terminal sa transportasyon, ug uban pang mga convergence point sa maong higayon
Sa kinatibuk-an nagmalinawon ug walay natalang dakong panghitabo sa All Saints Day ug All Soul’s Day sa Bukidnon
via :89th IB/BUKPPO
