Sa unang higayon, gibutyag sa singer nga si Jona, kinsa naila usab nga “Fearless Diva,” ang usa ka makasubo ug makasakit nga bahin sa iyang pagkabata ang molestiya nga iyang nasinati gikan sa iyang amahan sa edad nga napulo.
Sa usa ka emosyonal nga panaghisgot uban ni Toni Gonzaga sa “Toni Talks,” dili mapugngan ni Jona ang pagluha samtang gisaysay ang kasakit nga dugay niyang gitaguan gikan sa tanan, lakip na sa iyang pamilya ug mga higala.
Matod sa singer, malipayon unta ang sinugdanan sa iyang pagkabata, apan nagkabungkag ang relasyon sa iyang mga ginikanan sa dihang nagsugod na sila og panagbangi. Human mobiya ang iyang inahan, nahibilin siya uban sa iyang amahan ug mga manghud, diin nagsugod ang makalilisang nga panghitabo.
“Frozen lang ko, kay wala ko kasabot kung unsa to. Wala ko kahibalo kung mosyagit ba ko o unsaon,” saysay ni Jona samtang naghilak.
Bisan pa sa kasakit nga iyang giatubang, nagpadayon gihapon siya sa pagkab-ot sa iyang mga pangandoy sa pagkanta ug nakaplagan ang kusog nga magpadayon. Giangkon niya nga ang kasinatian mao’y nagtudlo kaniya nga mahimong “fearless” ug magpabilin nga lig-on bisan sa kasakit sa kagahapon, ug nagpadayag sa inspirasyon nga mabatonan gikan sa pagbangon batok sa kasakit.
via: Toni Talk
