Sikop ang usa ka lalaki sa gipahigayong Drug Buy-Bust Operation sa mga personahe sa PDEU-ZSBPPO kauban sa Ipil Municipal Police Station og pipila ka mga unit sa Barangay Veterans, Ipil Zamboanga Sibugay niadtong nakalabay nga adlaw.
Naila ang dinakpan sa alyas nga Ar Ar/Vin, 25-anyos og residente sa nasampit nga lugar, asa nakumpiska gikan sa iyang posisyon ang lima ka pakete sa gituohang shabu nga gibanabanang motimbang sa kapin kon kulang 3 ka gramo, nagkantidad sa Php 20,400.00;
Nakuha usab sa iyang posisyon ang usa ka piraso sa 100 peso bill (marked money) usa ka 500 peso bill nga boodle money og uban pang non drug items.
Pagkahuman sa maong imbentaryo,gidala ang dinakpan sa Ipil MPS alang sa tukmang disposasyon samtang ang drug item gidala sa Zamboanga Sibugay Provincial Forensic Unit alang sa Qualitative og quantitative examination.
Photo Courtesy to:Ipil MPS
