Gisiguro ni Department of Trade and Industry (DTI) Sec. Ma. Cristina Roque nga dili mosaka ang presyo sa mga nanag-unang mga palaliton hangtod matapos ang tuig.
Apil ani ang presyo sa basic commodities ug prime commodities sa tibuok nasud.
Sumala sa kalihim, nahangyo ngadto sa tanang mga producer ug manufacturer nga ipabilin usa ang presyo sa ilang mga baligya o produkto.
Nanaad usab sila nga walay pagtaas nga mahitabo hangtod matapos ang kasamtangang tuig .
Giingon sa kalihim, kini nga timailhan kay nagtinabangay ang mga negosyante ug mga consumer.
Gipatin-aw pa niya, nga nagkahiusa ang tanan aron mahatag ang hustong presyo sa mga konsyumer nga dili mapasakripisyo ang kalidad sa produkto.
Photo courtesy to: thepinoyofw.com
