Giingong gidauban sa usa ka lalaki ang kaugalingon niini ug nadamay ang iyang panimalay sa Purok 5, Barangay Nuevo Iloco, Mawab, Davao De Oro, ug gitambalan sa Davao de Oro Provincial Hospital-Montevista pasado alas 2 sa hapon Octobre 23, 2025.
Naila ang biktima sa alyas Dodong, kinsa nakahiagum og 3rd degree burn sa lawas ug ginahatagan og medikal nga atensyon. Subay sa inisyal nga report paspas nga nakaresponde ang Bureau of Fire Protection Mawab, kapulisan, ug MDRRMO Mawab, hinungdan nga napalong dayon ang kalayo ug wala naugdaw ang balay.
Gisuta pa sa mga otoridad ang insidente, ilabi na ang alegasyon nga nagbungolay ang biktima ug ang iyang asawa, nga posibleng nagdala sa desisyon sa biktima nga sunogon ang kaugalingon.
